عيني عليك آه يا جدع
إوعاك تصدَّق الوَدَع
ده عقولنا دايماً تنكره
بنقول عليه كدب وبِدَع
اصل الحكاية إن الجدع
حس بوجع
حس إن قلبه من مكانه
حينفصل
راح ينخلع
راح ع الطبيب قال شكوته
عرف اللي فيه
صابه الهلع
صمم يداري ع الجراح
ويعيش حياته بالخِدَع
سهم الحسد صاب الفؤاد
وزلزله بشق وصَدَع
لكن الجدع زاد في العناد
زي الجبل
ما بينقلع
ومهما برضه الجرح زاد
ما بيرتعد
ولا ينفزَع
راجل ولا كل الرجال
مالوهش في الطيش والدلع
آه يا جدع
وعشان جدع
زي ما كتمت الجراح
والدمع ف عينيك إتمنع
الدنيا قدامك براح
عيش دنيتك
ولا تنجزع
دوس ع الالم
وانسى اللي راح
عيش دنيتك
عيش يا جدع
عيش دنيتك
عيش يا جدع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة