**************
سلام يا صاحبى انا ماشى ومفارق
طالما وجودى وغيابى مع الكل مش فارق
وبكاى وحنينى وشوقى وكل حاجه فيها غارق
ولا حد حاسس بيه ولا شايف نور بارق
****************
وخبطه ورا خبطه الدنيا عماله تدهانى
وحزن وهم ملين حياتى والدموع مليانى
وكانه ياصاحبى الاحزان اتخلقت بس علشانى
تقولشى كده الدنيا مش عاوزانى وكرهانى
***************
لا عمرى جرحت حد ولا عمرى خنت
انا بس اللى قابلت كتير وشفت
شفت خيانه واهمال وياما انجرحت
ونفسى اعرف بس ايه عملت
***************
دا انا اللى عملت نفسى بر امان لغيرى
وصدر حنين احزن واشيل كمان حزن غيرى
ولما طالنى الحزن لقيت نفسى وحدى
وكتير قوى على طيبتى لامنى قلبى
****************
ياما قلبى قلى خليك قاسى وادفن عشمك
محدش حيجى يوم يسألك ايه تعبك والمك
ولا يوم تلاقى حد يطبطب على جرحك
وكل اللى اديتهم زمان تعبك نسيوك ونسيو اسمك
****************
خلاص حفارق حياة الطيبه احسن لى
وكفايه كده قوى اللى من البشر حصلى
يا ما كتير عقلى نصحنى وقال لى
بلاش تدى وتقول الكل يستاهل وفيهم تعلى
****************
عليت فى ناس حوليك كتير وهما وطوك
واول ما وقعت جابوا سكاكينهم ودبوحوك
شفت يا طيب الحبايب على فين ودوك
فرحتهم طول العمر وهما على الجرح رموك
****************
خلاص مفارق ومش حكتر فى الكلام
حامشى وحتى مليش نفس اقول سلام
بس ليه عنديكم طلب اخير وشويه ملام
لما تزوروا قبرى محدش يقول سلام
********************
انا كتبت رسالة لفراقكم بوش بشوش
وبقلكم خلاص عشرتكم كانت فاشوش
وكلامكم ليه كان كدب وفعلكم مغشوش
انا كنت معاكم بوش واحد وانتوا بتلات وشوش
********************
حافارقكم ومش عاوزكم تفتكرونى
وحتى ان جات سيرتى تشكرونى
عملت فيكم الخير وبرضه كنتو تلومونى
وداويت كتير جروحكم وانتوا كنتو ببساطه تجرحونى
******************
هنت عليكم وانا اللى كنت ضعيف ليكم ومكسور
خدت منكم ضلمى عبت حياتى وكنت لحياتكم نور
اقلكم ...والله لما كنت بحبكم واديكم مكنتش مجبور
انسونى وانسوى انكم عرفتوا واحد اسمه منصور
*****************
واكتبوا على قبرى مات من غير ما يعيش
وانى فارقت حياتكم برغبتى ومهمنيش
وحبيت الفرح بس الفرح ما حبنيش
وسايبلكم قبرى اهوه يمكن ماتنسيش
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة