....................
والدنيا تلاهي
كلمه وبنقولها
علشان نهرب
لبعض سند ودليل
بينور سكة مليانه
عتمة من غير النور
المفروش
ومعدتش بين الحبايب
اللي يشيل عنك
والكل بالعافيه
شايل نفسه
والدنيا تلاهي
عارفين لو كنا
في يوم زي زمان
تتبدل بينا الأدوار
حنلاقي طريق للنور
والحمل يخف
من ع الاكتاف
بنكتف بعض بكلمة
وبنزعل وبنضغط
علي نفس الكلمة
رغم اني الشيلة
بتخف ولو شالها اتنين
رغم اني طريقك اسرع
لوفيه اللي يونس قلبك
فبالتالي بتبطب حبه
ويطيب هو قلبك حبه
فتعدي جسور وتعدي
كمان السور بمحبه
ومكان النور معروف
لوتوهت في سكة
في ايد تتمد وعقل بينصح
بيدلك ع العنوان
رغم التعاتير
ولأنك منه وانت كمان منه
بتكمل وطريقك مفروش بالنور
والصعب يهون
ماقولها زمان في الامثال
القفه بيدين يشولها اتنين
واليد الواحده متثقفش
جاين دلوقت في زمن
متسند علي النسيان
نكران الغير ونسيانهم
وتقولو الدنيا تلاهي
علشان كدا قَلة بركة ايامنا
مع اني البركة في خزانة
ومفاتيحها معانا
فيها خريطة مليان اسرار
اولها طريق الرحمة من الرحمان
بتمد العمر وتوصل كل الارحام
واخرها بتقطع سكة من الوديان
لو يوم مليت من كتر سؤالك
ومحدش رد من الأحباب
افتكر الرحمة من الرحمان
بتمد العمر ببركة وخير
وان شلت في يوم نفسك
راح تيجي في يوم تنساك
زي مَنستها العنوان لطريق
مفروش بالرحمة مالنفس
بتأمر بالسوء وتكل وتتعب
في السكة فالاحسن لينا
نكمل في طريق الرحمة
ونوصل كل الارحام
وبلاش الكلمة اللي توهه
منك كل الاحباب اوعاك علي
طرف لسانك تاني تجيبها
وان جات اعكسها وقول
الدنيا ماهيش تل علشان
تلهينا بطلوعه واخرتها
حنقع من فوقه
الدنيا سيرة من الرحمان
ويابخته اللي يسيب
ذكري بين الارحام
يتملي بيته في الاخره
من الدعوات ومايخلى
ابدا م الرحمة والغفران
وعجبي 
بقلمي 
شيرين ابوعميرة
بقلمي شيرين ابوعميرة
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة