ولا شايفاك
ولا سمعاك
ولا عيشاك
إن كان ف حضورك
هي الأسباب
لساها أسباب
اصل عيوني
آل أنت راسمها
بين جواباتك
ناكره وجودك
من يوم ما اخدت
وراك الباب
يومها حلفت
إن اليوم ف بعادي
عذاب
أتاريك كداب
مايفيدش التبرير
ولا ينفع بعد اليوم
دا عتاب
خليك في بعادك
وغباء احلامك
اما رجعولك
بالنسبالي سراب
راجع نفسك
أحفظ هيبتك
واعرف إنك
م الأغراب
إن كان قلبي
لسه بعاند
مش راح اهاود
أخوفه مني
أسكنه جني
مهما إلمني
هيعرف إني
أمانه وسكنه
اهله وعزه
كل أصحابه
والأحباب
.............................................
الشاعر / علي فراج /
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة