*************
كترت على الحمول وحضنك بينسينى
تعالى خلى دفا حضنك يدفينى
وخدينى حرف لحنانك واكتبينى
*****************
كنت غلطان لما بعدت وسيبتك تسيبينى
وايه يعنى انى اغلط ما انت لازم تسامحينى
انا طفلك الخامس ومن حقى عليكى تضمينى
مش لما اغلط مرة الاقيكى علطول بتبيعينى
*****************
اصلك ناسيه او عاوزه تنسى انك كتير وعدتينى
ايوه انا من حملى دنيتى ميت وحنانك بس يحيينى
كتيير عاوز اموت من قسوة وقتى وانتى بترجعينى
والف الف مره قلتيلى مهما غلطت حتفضلى تحبينى
*****************
انتى الحبيبه اللى من كل البشر اخترتينى
وقلتى انك كل ما اميل بيدك حتعدلينى
محتاج كل لجظه لحضنك اوعاكى تمنعينى
خلى حضنك بر امان لما مركبى تتوه تدلينى
*****************
خليكى دايما ليه قبله لما أصلى تؤمينى
ولو كنت عاصى فى يوم بطيبتك توعظينى
وخلينى ليكى فجر كل يوم تصحى تصلينى
حبك ليه دين وصلاة فبلاش تبعدى وتكفرينى
****************
انتى مش واحده انتى ليه أم من عشقك ولدتينى
يمكن اكون غلطت فى حقك مرات بس بتسامحينى
عارفه ليه لانك بحر حنان لما اعطش اشرب منه يروينى
انا اللى بعشقك زى ام زى اخت زى حبيبه زى نور عينى
***************
يا سيدتى اوعاكى تقولى حضنك مرة يروينى
لو فضلت حاضنك عمرى كله والله ما حكفينى
محتاج لحضنك طول عمرى وكل سنينى
اموت لو مرة فكر عقلك يوم يجى وتهجرينى
***************
بقلمى منصور ابو عبدالله
محتاج لحضنك
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة