•••••••••••••
متصالح جداً مع نفسي
من غير عقد ولا كلاكيع
خسارة العمر معاك يضيع
لرب الكون .... مسلمها
ماشي طريقي سايبها عليه
لأنه بأيده أسرار تكوينها
و إن مالت الكفه الأقيه
صراع الغدر ما يلزمنيش
صافي النيه لوجه الله
بيزرق طيره الحي يعيش
عايش كمان و الخير وياه
لا في مرة حس بالحوجه
ولا مد ... أيده لسواه
و عمره ما شال هم لبكرا
مبسوط بيغني في ليلاه
بأتامل كده ...! حال البشر
هما ليه ف طبعهم غدارين
و الغل فيروس اهو انتشر
تقولشي أبالسه و شاطين
مغرور يللي فاكرها دايمه
كلو راجع رايح التراب
حتي اللي ستف عبى الخراين
و اللي فالشقا عضمه داب
خدلك عبرة يمكن تنفعك
تنجى بيها يوم الحساب
زرعك بس راح ينفعك
و يعتقك من شر العذاب
بقلم
عماااد الأبنودي
15 , 3 , 2023
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة