ولا ليله ولا يوم
كنت ادوق فيهم
كنت أسهر مع النجوم
علشان اشوف فيهم
صورتك كنت أشتاق
واحن ليك
كان قلبي يدق
ويغني بأسمك
لما كنت اسمع
صوت همسك
كنت ابعتلك عيوني
تسلم عليك
ومن عز نومك
تصحيك وتناديك
كنت احس انا مالكه
الدنيا وانا بكتبلك
صدقني مهما كتبت
مش هقدر اوصفلك
ازاي احكيلك واوصف
حبي وغرامي
الحب والهيام مش
محتاج لكلام
الحب أفعال حضن
يضمني ويحتويني
ايد تمسح دمعتي
لو نزلت و تداويني
تفهمني وتحاول
تبقي مكاني ولو لثواني
كتف يسند ضهري
وعمره ما ينخ ولا يمل
عرفت معني الحب
عندي وايه مطلبي
الحب أكبر نعمة في الوجود
لو حب حقيقي
تكون بيه في الحياة مسنود
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة