الغريبة ان الفراق
انت غايب جوه بيتك
دي حقيقة يا بشر
العيون مش شايفة حاجة
غابية في الشاشة الكزاز
والقلوب يا دوب وسادة
راحة للناس العزاز
والعقول مش فاهمة حاجة
تايهة في لقمة وجاز
والسرير جنب السرير
لا سلام ، ولا خبر
شفت امك
كيف اخوك ، ،
سمعت أختك ،
سألت أبوك
زرت عمك المريض
فين يا خالي وانت سارح
حتى ردك لفظ جارح
ترمي طوبة أو حجر
بعنا كل كلام جميل
والعيال لبست مقطع
والبنات ليها زميل
صوروها ألف مقطع
كل يوم مليون دليل
ان ودنك مش بتسمع
وانت ماشي في الخطر
كلمتين وبس لينا
زي ما قال الكتاب
الزمن والبيت سفينة
عايزة قائد مش حساب
الحياة حلوة وزينة
كلت فول واللا كباب
ماشي او راكب همر
بقلمي الشاعرناصرعطامحمد
البلد مصر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة