ياعمرنه ...
نباگ وي فزت حلم ......وي ضحكات الطفوله ...عشنه اب تعبان بس يضاهر مبتسم
شوكت نهدأ هيج ونرتاح بوكتنه ..؟ نصير مثل الناس.. ..ونبني ونحقق هدفنه هي ..دنيه صعبه تريد واحدنه صبور بگد صبر ذيج الحنينه امنه
تريد نضحك وبفخر نتباهه دوم بوجه ناس ياما اتشفت بألمنه ،،،
ياعمرنه. شگد كبرنه شوف وباوع. هاي صورنه،،
اه چنه هيج نضحك هيج نلعب. افيش. يامحلا ونسنه
ذوله صحبانه. وذني بنات عمنه،
حلوه ياساعات الطفوله شگد ضحكنه شگ لعبنه،
ياعمرنا ومن كبرنا
شگد شكينه هوايا اتحسرنه وبجينه
لان شفنه ونصدمنه
مات باسنينه املنه،
نباوع نتذكر ذيج الدفاتر شگد قرينه شكثر جم كتاب شلنه
ذيج المدرسه. هاي الساحه البيها لعبنه
وذيج ست ام القراءه وهيج چان اسمه معلمنه،،
هي صفنة ذكريات لو طبينه بحلمنه،،
ياعمرنه انگال
بهوسة زلم
جن شعر مهوال
بعراضة ناس الماتفتهم
بس تدبج. بس تهوس
هيجي عظامه بديوان شيخ بلايا راي ومو شهم،،
هيجي تسيارة سوالف شني الدنيا ماافتهمنه،
ياعمرنه. ياسنين العشنه بيها
الهسه نتحسر عليها
معقوله كلشي اختلف
چنه نخله وهسه مكناسة سعف،،
شنهو صار،،
مرينه بحروب وحصار،
والوكت مابيه صوچ
السبب احنه غفينه و كبرنه،،
ياعمرنا،،
ومن صحينه شگد ضحكنه لا هم بجينه...!!!
لان فزينه من حلمنه.
وشفنه نفس الاه بينه
من صغرنه لحد ماكبرنه،،
وياعمرنا،،،
كلمات:
اسعد زمان
اسعد زامل الشرهاني
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة