ليه الزعل يالجادل الدلوع
وانت الغلا بالقلب محتله
ياللي غرامك بالحشى مـزروع
مانـي بـلا مذهـب ولا ملـه
شفني مريض وخاطري موجوع
عقب السفر كنـي علـى ملـه
اتبع سهر عيني واهـل دمـوع
روحـي ذوت والحـال منسلـه
هذا وانا ما غبت عنك اسبـوع
وشلون لا غبـت الشهـر كلـه
ممنوع انا عن جيتـك ممنـوع
ياشمس عمـر الحـب ياضلـه
ياللي ملكت الروح غصب وطوع
خـل الزعـل ياسيـدي خلـه
انت الغلا بالـروح كـم ونـوع
مهما يطول الوقـت مـا ملـه
ياسيدي خـذ خاطـر الملقـوع
اللـي فـداك بكـل خـلـق الله
ماله بغيـرك غايـةٍ وطمـوع
يهـواك واعطـاك الغـلا كلـه
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة