************************
أيه تهمتي ياشاويش
قال تهمتك أنسان ؟
رافض تكون زيهم
ولك مشاعر وبتراودك
كمان أحلام
بوطن يسوده العدل
من بحري ولأسوان
ويصون كرامتك
ولا تبقاش فيها مهان
وتعيش بدون خوف
عشان حرية بلأوطان
مش فارقه مين يحكمك
لو حتى كان طرزان
حلمك خيانة عظيمة
للقصر والسلطان
تستوجب الموت هنا
وبدون محاكمة كمان
نفسك في أيه ياعميل
علشان حان الأعدام ..
""نفسي في وطن وبجد
مايكونش فيه خدام
للظلم أبدا هنا
خالص ولا الطغيان
وأشوف قصاص ربنا
م الخونة والأندال "" ..
راح تتعدم مرتين
ياابن الكلاب ياجبان ؟
بقلم .. ياسر فؤاد الجدي
الثلاثاء .. ٢/٥/٢٠٢٣
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة