ليش تشتكي من الظلم
وعندك أبواب العدالة
ليش منهو اليفتهم بيهم
هذول بطبعهم نذالة
إذا جعت عادي لاتنحرج
الأكل رموا بسلآت الزبالة
ليش گلي تشتكي تتحسب
تحسبهم أولاد عم لو خالة
الردي ما تنخاه ولا ترتجي
إذا باع الوطن كيف تتعنالة
يعرفون بيك مظلوم أسكت
يحسبوها قلة معرفة وجهالة
لكن أنت تاج الوطن
إيدك ذهب ووجهك هالة
لا تشتكي لإبن الردي
يروحلك فدوة هو وجهالة
أخذوا الكراسي غصب
باسوا رجل الأجنبي وحتى نعالة
صعب أوصف محنتك
وصعب أكتب كل الحالة
من يحسسوك أبفضل
والفضل فضل الله
يحسبوها رجالة
أولاد الحرام سرقتوا لگمته
وحاربتوا ماتگلون شنو بقاله
إذا گبرة من هسة حفرتوا
صدگ المات وماشافكم هنيالة
طبعوا جوازات السفر حيل
والخليج متونس بريالة
ويّن ويّن حق الفقير
ياحكام
المنظمات تفتخر توزع رياء
وتشوفهم عالة
وزعوا خيم محسوبية
ومحسوبات
لان المليارات راح تصفالة
مد إيدك يالفقير واشحذ
بنولك جوامع معابد حتى
تدعيله وهو يمص دمك
بسفالة
شحچي شاكتب شگول
الدمع يحرگ العين والقلم
مثلوم
يشگ صدر الورق يلطم
على عيالة
أتشردوا الأولاد بكل البلاد
لاجئ يفتخر حسبالة
يشوف الظالم هناك موجود
وأبد ما تختلف القيود بهالحالة
ليش تشتكي وتحچي حالتك
وتعرف ماوراهم إلا الرزالة
نام وخلي دمعتك تحچي
بسْكُوتْ
ربك بعالي سماه ما يرد
مظلوم بدمعة جالة
أصرخ أبصدرك لا تسمع
ألناس
وشوف الشامت والردي
باچر شيجرالة
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة