وانتظرتك رغم علمي
ان صعب الانتظار
صعب تعرف حاجة عني
لما كان الوقت طار
وتكلمه شمس النهار
لما قلبي ساح في دمي
وروحي تعلن الانكسار
لو خيال الشجرة يمي
كنت ألاقي الخوف قرار
انتظرتك شوق في جنبي
فرحة تطفي اي نار
عيني على كل الساعات
وسط غابة في انبهار
احسب الوقت اللي فات
اللي أصبح له أثار
اقرا حبة ذكريات
واروي من حولي الثِمار
عيني من كتر الاهات
بالدموع تروي الخضار
وادعي تتنور بصيرتك
فا انتظرتك ،،،،،،،،،،،،
قلت قلبك يسألك
لو يتوه عنك مسار
او عيونك تهملك
لو تتوه وضح النهار
او تحس بإن قلبي حن لك
أو تحس بأن ألمي فيا ثار
او تحس بطعم حيرتك
فا انتظرتك ،،،،،،،،،،،،،،،،،،
كنت اسأل شمسي عنك
لما طلت م الفروع
قلت يمكن تيجي يمك
او تعشش في الضلوع
اشتكت لي بكل سمك
وف دموعها كان خضوع
انت ليه غيرت دمك
يوم ماشديت في الرجوع
حتى لما في يوم كسرتك
انتظرتك
رغم وجعي في كل وادي
كان بيصرخ في الربوع
والنهار يستنى لحظةعيد ميلادي
كان يوجه في القلوع
والطريق يرسم في سيرتك
وانتظرتك
رغم حيرتي وانشغالي
عقلي كان قائد صراع
كان بيصارع طول نهاري
لما سلمني الضياع
قلبي يعلن عدى وقتك
وانتظرتك
،،،،،،،،،،،،،(شعر)،،،،،،،،،،،،،
عبدالله السايح
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة