.....
الليل سهران
والشمس هتشرق
قاعد حيران
كل الاوقات
بتعدي تعيد
نفس الحركات
طب مين هيبان
الكل مدان
لو قال الحق
دا برضه مدان
والظالم شايف
ناس عميان
الكل بيسمع
صوت نوحي
ولاحدش منهم
قام خدني
ولا حدش داوي
لجروحي
ولا حدش خدني
لبر امان
الظلم حيطان
والناس الواقفه
هناك باينه
وايدين مشلوله
ماتتمدش
ولا حد يساعد
للحيران
انا بير احزان
انا شايف شمس
هناك طالعه
والحلم بتاعي
المتشعلق
ف شعاع بهتان
احزان بتعشش
وف روحي
والوقت القاتل
لطموحي
عصافير ف السما
بتكون طايره
وماعتش تزقزق
ليه حايره
والصوت الواضح
ف الدنيا
صوت الغربان
كلمات / محمد حسن فرغلي محمد
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة