مش هنتعب من كلامك
قعدتي جنبك . جَمال
ولا هاشبع من الحكاوي
والله نفسي الفرحة تكمل
لو جاوبتي . ع السؤال
قول يا واد مهما تكبر . وانت جنبي
لسه شايفاك . من العيال
عايزة ايه . من الدنيا ياما
والله أجيبه . ولو محال
وه يا واد يعني سايب . كل همك
واللي تقله . كالجبال
واللي ساكن . جوه راسك
عايزه ايه . من الدنيا قال
اه يا فرحة . تمنها غال
بص يعني . لو في ايدك
نفسي ارجع . للي زال
لما كنت . بالضفيرة
واجري والعب . بالحبال
لما كنت . في دنيا تانيه
دنيا بُعد جمالها . طال
كنا نصحى . الصبح بدري
واللي في قلوبنا . الأمال
كل واحدة . شايلة جره
وماشية ماشية . الغزال
لما كان . العيش مرحرح
كنا بنلفه . في شال
كنا ناكل . ع الطَبالي
كنا لما . وكنا عال
لما كنا . عيلة واحدة
فيها عم . وفيها خال
كان في كلمة . للكبير
كنا عزوه . واي اذوة
كنا نبني السد . عال
كان أبويا . في الحكاية
هو يابني . البدر نفسه
وامي كانت . كالهلال
هما نور الدنيا كله
واللي بميزانه . وكال
ولا اقولك .....
بس يعني .. لو هتقدر
هاتلي ابوك .....
هاتلي روحي . ولا عمري
مهما اوصف . في اللي فيه
كلمتيني فيه . قُلال
والنهاية .... في الحكاية
ان فرح الدنيا . زال
واللي فاضل . بس ليَ
بعد مني
واللي بيه . العمر نال
روح يا ولدي . بقلب راضي
يسترك . يابن الحلال
من ديوان حكايات أمي والفروجتين
خارج عن المألوف
شادوليات
شاذلي محمد عبدالرحمن حسين .
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة