.....................
بلاش من أم دي لقمة
متغمسة بمر و ذل
بتقول بنمر بأزمة
هزود سعر رغيف العيش
و خمس قروش دي ماتساويش
بكرة هتبقى العيشة فل
بس النهاردة الغلا بيطل
بلاش من أم دي لقمة
متغمسة بالذل
سيادتك الناس تعبانة
و في ساقية دايرة و شقيانة
بلاش تزودوا عليهم الغمة
خلوا الأمل في عيونهم يهل
بلاش من أم دي لقمة
متغمسة بالذل
هيروح فين
صاحب العيال
و هيجيب منين
و الحال بيه مال
و المال يدوب ع العيش الحاف
و البحر خلاص جاله الجفاف
و المواطن يا ناس
شوية و يتشل
بلاش من أم دي لقمة
متغمسة بالذل
بقلم / " ايمن ابراهيم أحمد خضير / مصر "توقيع / " ايمن ابراهيم آل خضير "
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة