٥٧٦
خليك جدع
سيبك ياواد من ده الوجع
طول مانت عايش راح تشوف
خليك جدع
وامنع دموعك م السقوط
واكتم اهاتك وبلاها صوت
وقول يارب وارفع اديك
ودع لخوفك خليه يموت
وابني جدارك . لو صدع
خليك جدع
مين ده ياواد راح يكسرك
مين .ده ال يقدر يحصرك
مين ده ال يبكيك ف يوم
ومعاك لرب هاينصرك
ولو الزمن. يوم دار خدع
خليك جدع
وماتقولش يوم ايه العمل
واملا صدرك بالامل
خليك... ياواد صابر جمل
ولو جملك م جحر اتلدع
خليك جدع
اكتب ف صفحه من جديد
تكون لسه بيضه مسطره
وخلي اصرارك. يزيد
وارمي لهمك ارميه ورا
والخير هايجي ولو ندع
خليك جدع
سيبك ياواد م ده الوجع
طول مانت عايش راح تشوف
امشي ف دروبها روح وطوف
بيضه وسوده. تشوف كفوف
حبه الم. و شعره فزع
إياك ياولدي م الجذع
عارفك جدع
...........وقول يارب
بقلمي/محمود.عفيفي دومه
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة