٥٧٨
وفيا الروح!!!
برغم قطع شراييني
ورغم حصاري مع جراحي
ومرابط والسلاح صاحي
وفيا الروح!!
مهاوده مطاوعه أنفاسي
وجذري وسط الدمار راسي
و ببني ف حيطان ابني
وحزني دايسه بمداسي
وفيا الروح!!
تروح نوبه و تيجي نوبه
واعمار وايامنا مكتوبه
تعيش راجل تموت عاجل
ليك ساعه ومحسوبه
وفيا الروح!!
ومقابل العدو بصدري
عرف وزني وعرف قدري
وفهم انه مكانه فين
وواعي الدرس من بدري
وفيا الروح!!
دوني وكلب صهيوني
وغرب بحرب عادوني
يحاصروني يحاوطوني
لا قلبي يزيد ف دقاته
ولايرمش جفن لجفوني
وفيا الروح!!
وكفي ع الزناد صاحي
حالف بزيتوني وتفاحي
وقدسي ومسجد الاقصي
ويانصر.يانصر .مفيش تاني
ويومها تعلي افراحي
وفيا الروح!!
ولو كل الحمول حملي
ولو فرق الجبان شملي
ابدا ماننسي أراضينا
يقين راجعين و ده أملي
وفيا الروح!!
كلامنا اكيد وشاف عملي
وشاف وقت هجوم جملي
وشرب المر من كاسي
ومش نظري لكن عملي
.......وفيا الروح!!!
بقلمي /محمود عفيفي دومه
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة