فين المرتب يا وزير
ميتنا نشفت في قعر الزير
وجيوبنا فضيت مفهاش منديل
والمحفظه بقت جثه هامده
مفيهاش جنيه ياوزير ياعمده
تشوفها عينا تدمع وتقول ياعين
فين المرتب ياوزير
طيب خدوا الكل وهاتوا حته
انتوا لغوا واحنا لحسه
اي حاجه الدنيا وحشه
العيال نسوا شكل اللحمه
لما تطلع يفتكروها وحمه
بصوا لينا شويه رحمه
المرتب تاه في الزحمه
والعنين مبقتش شايفه
نورولنا الدنيا ضلمه
دانتوا في فيلا واحنا في عشه
مش حقد ابدا ولا عيني حاسده
بس عيالي حالتهم صعبه
كرووشكوا في يوم هتبقي جلده
هياكلها الدود مايخلي حته
وهندعي عليكوافي كل ركعه
ويوم القيامه مفيش مسامحه
تحياتي
اسماعيل هريدي 2016/12/31
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة