ياقاضي كله معاه = علاء رجب

شاهد ما شوفتش حاجه
في قضيه بين حبيبين
قاضي وشهود ونيابه
ومرافعه بين طرفين
اﻷول حبيب مديون 
عاشق سواد العين
والتاني روح اﻷول
والجلسه لﻷتنين
والداين شروط اﻷهل
والعقد ابو شرطين
قايمه بكل حاجاتهم
والتاني مؤخر زين
القاضي قال لﻷول
سبب المشاكل فين
رد وقال للقاضي
ياقاضي احنا إتنين
روحنا روح واحده
مقسومه على جسدين
ﻻكن شروط اﻷهل
والعقد ابو شرطين
بينهم وبين حالي
بعد السما ع العين
وعشان اجمع روحي
 مضطر يا قاضي للدين

نادى عليا القاضي
يا شاهد احضرني
هي الحكايا إيه
قوللي فطمني
قولت الحكايه بدعه
 بدعوها أهالينا

عشان حاجات تافهه
 قتلو الشباب فينا

دي ابوها يابني موظف
 ونسبنا ليه ما يشرف

ده ابوه يابنتي فقير
 ساكن في ملك الغير

أهالينا ياقاضي زمان
عاشو بنهج نبينا
ﻻ شتى في بورتو السخنه
وﻻصيف ياقاضي في مارينا
اهالينا عاشو زمان
بحله ووابور وحصيره
ركز يا سيدي القاضي
والله القضيه خطيره
نسب العنوسه ذادت
والبدعه ساكنه بيوتنا
نادينا وقولنا كتير
وعانينا وراح صوتنا
قلوب الشباب بتضيع
وسبب ضياعها سكوتنا
عدل قانون الحب
علي يا قاضي رايتنا
وإلغي شروط العقد
 قطر الحياه حيفوتنا

هي السعاده إيه
 غير شخص تتمناه

تتمني تعيش العمر
ياقاضي كله معاه
 علاء رجب