#ليه يازمن # بقلم / اسماعيل مصطفى موسى.

ليه يا زمن قاسى

تقسى على ناسى
تنزل دموع العين
على خدى وكراسى 
وتوجع كمان الجسم
والضرب كان راسى
كتر الألم فيا
عيشنى كتير ميه
مسكني قرطاسى
قلمى الرصاص انبرى
والفاس علت راسى
صداع وحر الجوى
ودموع بقت ماسى
ليلى نهار الهوا
ما شفت انا ناسى
حبيب وقلبه نوى
يهجرنى مع ناسى
قال البعاد فيه دوا
وتركنى أعيش أسى
المر كان الدوا
والبعد كان راسى
ياللى لقيتو الدوا
مكتوب على راسى
الروح حداكم وفا
كفاية ضرب وف راسى
عشقان انا فى حيكم
والحب ده اساسى
ظلمت حتى النوى
ولعبت بالخمور راسى
أمانه فيكم أنا
ما تهجروا احساسى
انا روحى فى حبكم
والقلب عمره ماكان قاسى
يا عين كفايه دموع
دمعك شديد قاسى
يضرب كما الملسوع
والخد محتاسى
بعد الحبيب فيه جوع
وكلامه كراسى
مكتوب حروف وشموع
ناره كتير راسى
طلب الحبيب منى
ابعد بعيد عنه
واعيش انا وهمى
وقلبى قريب منه
ومنين اجيب روحى
والروح تعيش روحه
والصبر كان بوحى
والصمت كان بوحه
ليه يا زمن نوحى
يبقى كمان نوحه
زاد الألم جوفى
والمرض أصاب العين
والروح بكت نوحى
والراس شالت بقه طين
والقلب ينعى جروحى
ما عاد يفيده أنين
ليه يا زمان قاسى
د انا قلبى عاش مسكين
فرحك ما كان ماسى
حزنك كتير وأنين
دمع العيون بتواسى
وأنا عمرى ما شفت حنين
راح الكتير وانا ناسى
كفاية عشت سنين
بكرة يجينى الدور
والقبر يشفى أنين
رجليا بقت بتخور
والرعشه جسم  حزين
تسلم يا زمان المر
عشناك وشيلنا الطين
واليوم علينا حر
من قسوة أمين وحنين
كلمة وكانت ضر
مكتوب كمان وجبين
وعنيا سمعت أر
وكلام على الجنبين
يا ما لقينا الشر
واقف معاه جناحين
أمرك يا صاحب الأمر
تشفى لى ضى العين
من ظلم كل الشر
بعض البشر ملاعين
ملعون أبو الدنيا
لما يكون الأر
ساكن على بابها
واقف كمان يشتر
يرفع كمان صوتها
يقول يا شر اشتر
إختار ومن زادها
واسقينى كمان المر
تعبت من زادها
شبعت انا من الحر
امتى نشوف خيرها
دنيا لهيبها مر
اسرح وعيش حالها
واعيش انا فى القبر
يا فرحه كانت ساريه
يا دنيا كفايه مر
عاميه.