على رنـِّة معلقه من فضه ......... الشاعر السيد خطاب .........

على ونـّة معلقه من فضه

وبْرام الرُّز بيتفضَّى
ومْعَمّرَه فيه حِتتة بطه
تمضى لها مشايخ
ميت إمضه
تشهد لها ألْسِنَهْ م العضَّه
قاعدين حواليها بنتسابق
ويا ترى مين راح
هيكون سابق
شايفين البطه بتتعايق
ع السُفره جميله وْبَال رايق
ما بْنهوى الشوكه وسكينه
بإدينا نقطـَّعْها نساير
ونـْرحّبْ بالضيف لو جانا
نتهنى ويتهنى معانا
والضحكه جميله وليها رنـَّه
تسمعها وْدان كل جرانـَّا
ماهُو بيت وكريم
والخير فيهْ كْتير
والبطن بْتشبع مرضيـّه
واللقمه يا ناس تِكْفى المِيّه
والزوره بْتمنعها المَيـّه
ولا حدش جاب مرَّه سيرتنا
ولا دُقنا فى يوم طعم الخضّه
 على ونة معلقه من فضّه