بضحك غلب = بقلم الشاعر ياسر الدميني

بضحك في وشك غلب والحزن ماليني
لا ف يوم حسيت حبك والقهر ماليني
ارمي في حجرك دهب تيجي توبوسيني
وان يوم قصرت ايدي بحجاره ترميني
وانتى اللي مني وتنسيني
ازرع ايديكي خضار
ينشف تعاتبيني
لو كنت يوم رويتيه
كان الشجر فرع
يطرح محبه وهنا والطعم فيه سكر
علي ايه تعاتبيني
لو كنتي رويتيني
كانت المحبه تزيد
مربوط ولا بيدي ما اقدر افك الربطه
لميتي كل الناس جايه تراضيني
ما احلاها عيشه الغازيه
في الليل تترقص والصبح بتصلي
ايه تعمل البنيه
شايفاني بتوجع والمي يحلالك
كوني كما شئتى
اصل اللى بيتكسر ما بتلحمه الميه
واصل اللي بينا اتكسر
من سنين مكسور وبأيه هايتجبر
لاكنت يوم وياكى بتكبر ولا اتجبر
لكن ده وعد خديه
هاتشوفوا راس في السما ما تطاطى
الا للي خلق السما
تركع تصلي له
لكن لبعض البشر تعلي لسابع سما
 ولا يوم تطايله