ولاد الناس. فاروق الباشا

تعالى يابن الناس
نسمع كلام
ونشوف افعال ناس
لما الكبر يملا
القلوب
وينسوا رب الناس
سبحانه لما خلق وسوى
سمى الكل ناس
لافى فرق
بين ملك ولا كناس
من طينة واحدة عملهم
ماخلق واحد
من تراب وواحد من ماس
وامر....اعبدونى
لكده خلقتكم
ولنفع الناس بالناس
تعالى ياصاحبى
شوف اخونا قاعد
مع ذاته
وكلامه حلو وناس
داير يصنف فى الخلايق
ده ابن ناس
وده مش من الناس
ده خاله فلان وعمه علان
وده يدوب
ياما كروه الناس
متكبر وناقش ريشه
والحق أنه
ميساوى اقل الناس
مالك ياعم بالخلايق
فاكرهم بالنميمة
ولاصل خلقك ناس
مالى الكبر قلبك
وعلى المشاعر
خطى ومشى وداس
الحسب الزايل والمال
عنده للناس مقياس
تعالى ياصاحبى افكرك
باللى جرى
تاريخ كتبوه ناس عن ناس
العبرة بالتهابات
والعمل الطيب
وإحساس الناس بالناس . الغيث الوفير فاروق الباشا مصر