#انا مهاجر# ياسر الدميني

انا مش باقى فيها يوم لأنها مابقتش حسانى
وكل ماأقول اهو هانقوم الاقي صدمه واخدانى
كتير بعشقها وبدافع عنها وهي ظلماني
واقول الظلم مش هايطول هاييجى يوم تقومني
إلاقيها تاني يوم جايه تظلمنى
ياما غنيت انا لنيلها وترابها وبتباهى في وسط الناس بتراثها
لكن للفقر واخدانى لا أنا عارف فيكى اعيش
ولا شايفك بتحمينى
ولو بيت فيكي جعان ولا عمرك تحسينى
سمعت منك ياما كلام هاحقق لك احلامك
واخليك بين الناس تقول هي دى اللى جايبانى
لقيتني فيكي من ظلمك بلد تانى واخدانى
وإتمرمغ في ترابك حرام عليكى ماتسبينيش
الاقيكى بتنسينى
قوليلى لما مش عاوزانى اعيش
ولا عمرك نصفتينى  ازاى احبك وانتى ظلماني

ها هاجر في بلاد الله
ومش عاوزك تردينى دانا خايف اموت فيكي
الاقى ضريبة على قبري ويقولوا مايدخلش
عليه ديون ومدفعش قوليلى اعيش فيكي ازاي
وانت بتبيعينى رخيص ودمى سأل على أرضك
و صدرى كان درعك ومت فيكى شهيد
سايب أهلى بين ايدك تصبى عذابك ليه
فين وصيتى ليكى
ما انا وشوشت ترابك وانا دمى على ارضك
ورد عليه هاحميهم وف الآخر إلاقيهم
بيشكوا الجوع والحرمان شكرا ليكى يابلادي على دمي اللي سال على ترابك
 وأهلي بيشكوا الجوع على بابك