لسه فاكر = كرم شحات

لسه فاكر
برضه إن الجى أحلى
م الى عدى واللى هاجر
منها كان غلطان ضرورى
لما حس بإنه ضايع
قام يسافر
قال يبيع عمره وحياته
للى هتقدّر حياته
اللى بكرا بيها يشبه
كل أحلامه وصفاته
من أمانى وفرح فاخر
 بس قولى

لسه فاكر
برضه إنت
إنها حضن الأمان
وإن عيشة عشة فيها
أغلى من أوسع مكان
تانى وسط بلاد بعيد
كل أهدافها المواطن
يبقى متهنى وسعيد
راحته بين كل الأماكن
كان غنى أو فقره ظاهر
 وإنت قولى

لسه فاكر
وللا ناسى
المشاكل والمأسى
اللى ياما سنين طويلة
عشتها والكل راسى
إن مهما تضحى ليها
مش هتاخد غير كلام
ما اللى يفرق بس فيها
هو مالك أخره كام
والواسايط ياما بتزلل مشاكل
صح قولى
 لسه فاكر

# كيمو #