‏‏ياسر الدميني‏ = ابن للايجار

ابن للايجار
نفسي في ابن أن شاء الله يكون إيجار
عندي ليه ام حلوه ودار
نفسي آخده وافسحه
نفسي يطلب وانا اجيب وافرحه
نفسي اسمع كلمه يابابا ويبقى بار
نفسي فيه أن شاءالله يكون ايجار
انتوا ياللي معاكوا نعمه من السما
حرام عليكم الجفا جاكم عما
احنا بنتمني الضنا
وانتوا عليهم تفتروا وتتبطروا
وفي الشوارع يترموا
وعلى الرصيف وفي الزباله
انتوا اصلا حثاله
انا بحلم بيه من سنين
جوايا حلم وجوايا كسره
جوايا حزن جوايا حسره
كان زمان معامله أبويه قاسيه
قلت لما ايوه لما يبقى عندي
هاعمل واسوي واجيب حاجات
والاعبه وان شاء الله اعمل حمار
وعندي ام حلوه حنينه ومعاها دار
واجيب له كل اللعب
وافسحه واجيب له لعبه وافرحه
وأحميه والبسه واسرحه
واخده معايا للصلاه
واللي يقابلنى اقوله ابني
واتمنى يكون حاببني
وأول ما إجى من شغلى يجري
وانا آخده في حضني
والله مش هاضرب قلم
وهاكون حنين
واوعده بحبه حاجات تفرحه
شيكولاته كل يوم وبيبسي
ومش هاحرمه واخليه سعيد
ولما أمووووووت يقول كان ليا اب حنين
انت فين يا ابني طال الانتظار والسنين