دار نشر القلم للطباعة والنشر والتوزيع دار نشر القلم للطباعة والنشر والتوزيع

آخر الأخبار

جاري التحميل ...

من وحي صورة قصيدة عاميّة بعنوان ★ فراغ الروح ★بقلمي ★ كمال يوسف ★

طباعة ونشر وتوزيع ، ظهور إعلامي ، ورش أدبية
كُنتِ بَـكتِبْ عن حبيبتي
فجــأةً ......!
سِكِـتِ القلم
خُفـتِ يفضـح نبـضِ قلبي
اللي جـوّايـا اتكتـم
خفت أحـكي للخـلايق
عـن حنيني
عن دموعي
عن أنيني
عن زمن غدر العِبــاد !!
 عَ اللي حاصل في البلاد .
شُفتِ فيهـا سِـتِّ حِلـوة
لمّــا كانت نِـنِّ عيني
قُـلت الاقي فيهــا سلـوَه
خُـفتِ أستعجل سنيني
كلِّ دا يطلــع رماااد !!؟
**
قُـلتِ أرسِم ليهـا صوره
من شراييني المـلامِـح
زيِّ لمّــا تـكون أميره
نــار لهيب بْسعدِ دابـح
حَـلحِـلِـت ليَّـا الضِّفيره
عروسه بِكر بْـفِكر سارِح
 تِشتهي الليلـه الكِـبيره ..
قُـلتِ أرسِم ليهـا صـوره ..
**
رَسَمتِ الحمايم كـلَّـها تُـرقُص
على غصـونـها
رسَمتِ الزُّهور اللي خَدِت
مِ الخدود لونـها
رسَمتِ الشعرِ بيهَـفهَـف
بِـنِسمه تداعب جنونهــا
**
أتاري دا كُـلُّـه ياعيني
اِتقَــلَـبْ وَهــم و سرااابْ
اليمامه اتهجَّــرت
واستوطِن العِش الغرابْ
اِلورود الحلوة دِبْـلِـت
قلتِ أحفظهـا بكِـتـاب
والشفايف مَرمَرتْ
اشترك بالعدد الجديد من مجلة القلم الورقية للتواصل والاستعلام / 0020102376153 واتساب
بعدِ ما كانت حيااااتي ....
حبـتين سكر وِ داااب ..
وخصلة شعرها يِـبْـسِت وصارت
بعد ما قِسـيِـتْ قساوه
اكمِنَّـها كُرباج عذاااب ...
**
فرااااغ ....
كلِّ شيء فيهــا فراغ
شالـوا كلِّ الحاجات الجميله
مِـنَّهــا بمشرط ..
مَ فْضِلشِ فيها حاجه ساااغ
مهره أصيله بجــد حَـرَنت
عافت المربط
يمكن فراغ الجسم !!!؟
واللا فراغ الرووح !!!؟
مُش عارف !
خايف أعبَّــر عن وجــع قلبي
اللي اتكَسر ...
خايــف ...
عَ البِكــاره !! ؟
آآآآه ياعُمري
هُــمَّ فاكرينهــا شَطـاره ؟!
بَـسِّ ... بَـسِّ ...خلاااص ..
مـا بقاش الكــلام ينفــع
ولا عدش مِ الكارثه مَناااص
ولا قادرَه الوِدان تسمع
بس .. مش قادر أَكَـمِّــل ...
نســيوا إنِّ الــرَّبِ يُــمهل ...
لازمن يدور الدولاب
ويستردِّ الجــرح طـاره
لا ياخـايب
مش شَطاره ....
هـيَّ ايه بس العُـبـاره
نِفسي أعـرَف ...
بس بَـقْـرَف ...
أفتِـكر لحظة مَـراره
أفتِـكر لحظة مَـراره .

عن الكاتب

قادح زناد الحروف

التعليقات

شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة


اتصل بنا 00201023576153 واتساب

شاركونا الإبداع