( عيش وملح )(نبيل الوردانى)

ياواكل معايا العيش
والملح ما دقناه 
ياشارب معايا المر
والحلو ما شفناه
هو الأسى ملقاش
غيرنا يروح وياه 
حتى الألم مابقاش
يرتاح لطعم الآه
بعانى من وحدتى
وهى دى المأساه
تاهت معاه سكتى
وهى مش لقياه
أشكى لمين بلوتى
هى كمان شكياه
ياسيدى حن ورق
فضلت أجرى وراه
لكنه كان سابق
ف الجرى حتى مداه
طب لحظه نتعاتب
محلى العتاب محلاه
أو حتى نتصافى
وننسى كل أساه
وألقى الود من تانى
يعود الى مجراه