آمين = الشاعر = جمال سيد عبداللاه

اربع حروف حلوين
حروف كلمة آمين
لما يقولها اللسان 
تفرح بنورها العين
نقولها خلف الامام 
والقلب كله يقين
والنفس في النور تغرد
وتقول يارب آمين
ونقولها بعد الدعاء
وبالاجابه واثقين
ولو المريض يسمعها
ينسي معاها الانين
حتي الغريب ينطقها
يهدى بيها الحنين
وليها في القلب فرحه
ينسي الدموع الحزين 
ويقول يارب فرجك
وتبعد الشياطين
اقبلها يارب منا
احنا والسامعين
آمين يارب آمين