....................عرفنا كتير........................
عرفنا كتير وكشفنا البير
والطيب جانا حل الفوازير
المدعو جمال خلع السروال
وترامب أهو بان فوقوا ياحمير
اللي بيتسطر دا شئ متحضر
بيخطط ليه من مدة سفير
فينك يانوال أنا عندي سؤال
امتى بيتساوى غفير بوزير
عن هرمجدون حكى لنا شارون
قال عنها نبينا حرب التحرير
ياشيخ المنصرياشبيه الأشتر
فينكو يامشايخ الأمر خطير
يابايع دينك حنيت مناديلك
سودت مصيرك علشان دنانير
ياعيدان السكرانا دمي اتعكر
يالبشة بتجمع عميل وحقير
افهمني ياطارق خليك كده رايق
عمرالحداية ماتجيب قوارير
من يوم الأهلي اتسرق انا أهلي
أخذوا البنديرة وحطوا المسامير
مش رايح أصرح مش ناوي أفرح
مجدي وألاديشه وسوسو وسمير
من امتى الناكر للدين مش كافر
من امتى نبينا مدح السكير
يامشايخ عيره نيلتوا السيره
ماخلاص عدنان بدأ التغرير
منكم لله على درب خطاه
صار فينا المبصر من غيه ضرير
افرح ياحبيب ماعاد فيه رقيب
بدلت بفجرك صوفك بحرير
يابحيري اتغندر ياصعيدي اتبندر
شراب بخارينا صارطعمه مرير
اسمعني ياجمعة من عهرك جامعة
ماخلاص ياخميس غيرتك تشفير
ياسعد الدين ياهنا الميادين
هلالي ياليلى فيه منه كتير
خلاني هيمان بجميل ألحان
بيقول على نجمه بشير ونذير
والواد حسان عامل نبهان
وهو يدوب للعرش حسير
فينك ياصلاح زال الاصلاح
من يوم مااتنصب الواطي أمير
في الشرق الأوسط عمال بيبطط
لقدوم دجاله جهز له سرير
في الغوطة هناك فتحوا الشباك
ماخلاص ياريات أتت المقادير
من ها الدهماء اسود رداء
يافتنة ماتترك ولاحتى نقير
اسمعني ياصاح مايفيدش نواح
وزمانا ياخويا زمن التقرير
لاما ايمان أو ران وخنان
ماخلاص اتفضحت كل الأسارير
يااخويا اتحضر لازم تتصدر
ماعاد بيفيد مداراة وتدوير
اسمعني ياخال للحق مقال
والباطل ذبده وأهله في سعير
الدنيا زوال والجنة منال
وجبالنا مسيرها في الآخرة تسير
أمريكا خلاص مايجيها خلاص
أسدها ياعمي مابقى له زئير
غرقها وشيك ومعاها شريك
للحرق ماسوني عمال بيدير
يا اسرائيل ياحاخام ياذليل
نهايتكم نادت كما في المزامير
سنة ألفين ومعاها تنتين
في كتابنا زوالكم بالجفرشهير
قالوا في الأمثال الدنيا سجال
والحجر الدايرعن لطه يشير
يارب ثبات عند اللمات
وكلامك لينا في قلوبنا منير
القدس احتار من بعد الدار
نفديك بارواحنا عش أنت قرير
يازمن دوار لينا استدار
البدراهو عاد لمنازله كبير
البركة اتنزعت والفتنة اتزرعت
والوحش الكاسر للانسي سمير
يا اخويا مالك ايه غير حالك
ياحبيبي خد بالك من السنانير
آخر كلامي ديني واسلامي
بايماني يبقى يقيني زهير
محمود عبد الخالق عطيه المحامي
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة