.... قالولى ...
كلماتى : اشجان سليمان
---------------------------
قالولى الدنيا غرورة
وأحسن لك
تمشى فيها جنب الحيط
وان كنت ناصح
خليك ممثل وخد دور العبيط
او روح ازرع لك شجرة
وعيش تحت ضلها
جوه الغيط
انّا قلت ليه كده
تكسروا فيا الإرادة
الدنيا كل يوم بحال
وهى دى العادة
لا لوم ولا ملام
بلاش كُتر كلام
انّا هاعمل اللى عليّ
وخلى ضميرى صاحى
تبقى لى ذكرى جميلة
تاج الشجاعة على راسى
وأسمى تمام التمام
لا الدنيا تقدر علىّ
ولا الزمان لإسمى ماحى
مش ها أمشى جنب الحيط
ولا عمرى هاعمل عبيط
دا الساكت عن الحقيقة
شيطان اخرس
لا عمرى ها كون
اخرس ولا أصم او كفيف
ولا عمرى ابدا هاتذل
عشان لقمة من رغيف
الموت أهوٓن عليّ
ولا عمرى فى حياتى
هامثل دور العبيط .. !!
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة