باب الخروج
عبد الواحد يافاكر
الثوره والأمان
باب الحديد مذاكر
رمسيس ابن الجيران
باب الفتوح مسافر
في الشنطه راس طومان
تسعين مليون مهاجر
من قلب البرطمان
مفضلشي فيه تذاكر
إلا للبرلمان
عنتر فارس سواده
مش فارس للنزال
عنتر سلم زناده
للست ام العقال
عنتر سلم حصانه
للسايس في السباق
وبيطلع م الزمالك
وبيبرك في بولاق
والنوق الحمر ماتت
في السهل وفي الجبال
شيبوب الفقر نايم
يتوجع م الطحال
من كتر الضحك يجري
في الشارع م العيال
الناس مش لاقيه تاكل
وبيضرب في البروج
كل البيبان بتقفل
إلا باب الخروج
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة