ﻟﻤﺎ ﺣﺒﻴﺖ ﺍﻛﺘﺐ ﻻﻣﻰ
ﻧﻮﺭ ﻋﻴﻨﻰ ﻭﺣﻴﺎﺗﻰ
ﺍﻟﻜﻼﻡ ﺍﺗﺤﺸﺮﺝ ﻓﻰ ﺣﻠﻘﻰ
ﺍﻟﻤﻮﺳﻴﻘﻰ ﻭﻗﻔﺖ ﻻ ﺳﻴﻜﺎ ﻭﻻ ﺑﻴﺎﺗﻰ
ﻻﻥ ﺍﻣﻰ ﺑﺎﻟﻨﺴﺒﻪ ﻟﻰ
ﻭﻻ ﻳﻮﺻﻔﻬﺎ ﻛﻼﻣﻰ
ﻭﻻ ﺣﺘﻰ ﺳﻜﺎﺗﻰ
ﻭﻟﻘﻴﺖ ﻟﺴﺎﻧﻰ ﺗﻬﺘﻪ
ﺑﻌﺪ ﻣﺎ ﻛﺎﻥ ﺻﻮﺗﻰ ﺑﻴﻨﺪﻩ
ﺑﻜﻞ ﻋﺰﻣﺔ ﻛﻠﻤﺔ ﺣﺒﻴﺒﺘﻰ
ﻭﺍﻟﻘﻠﻢ ﻟﻤﺎ ﻗﻠﺖ ﺍﻣﻰ
ﻫﻮ ﻛﻤﺎﻥ ﻧﺎﻡ ﻭﺳﻠﻢ
ﻭﺍﻟﻮﺭﻕ ﺍﺳﻮﺩ ﻭﺷﻪ
ﻻﻧﻪ ﻋﺎﺭﻑ ﺑﻜﻼﻣﻰ ﻫﻐﺸﻪ
ﺣﺪ ﻳﻌﺮﻑ ﻣﻌﻨﻰ ﺍﻟﺒﺪﺍﻳﻪ
ﻭﻻ ﻳﺤﻜﻰ ﻣﻠﻴﻮﻥ ﺣﻜﺎﻳﻪ
ﻛﻞ ﻛﻠﻤﻪ ﻓﻴﻬﻢ ﺭﻭﺍﻳﻪ
ﻳﺒﻘﻰ ﺍﻛﻴﺪ ﻫﻰ ﺍﻣﻰ
ﺣﺪ ﻳﻌﺮﻑ ﺑﻔﺮﺵ ﺣﻀﻪ ﺣﺮﻳﺮ
ﻭﻻ ﺭﺟﻠﻴﻪ ﺍﺣﻦ ﻡ ﺍﻟﺴﺮﻳﺮ
ﻭﻻ ﺻﺪﺭﻩ ﺯﺍﺩﻩ ﻭﺯﻭﺍﺩﻩ
ﻭﻻ ﺣﺒﻪ ﻳﺒﻘﻰ ﺍﻛﺘﺮ ﻡ ﺍﻟﺰﻳﺎﺩﻩ
ﻫﻰ ﺑﺲ ﺍﻣﻰ
ﺣﺪ ﻳﻌﺮﻑ ﻳﺘﺤﻤﻞ ﻟﻰ ﻗﻮﺍﻟﻪ
ﻭﻻ ﻳﺘﺤﻤﻠﻨﻰ ﻟﻮ ﻛﻨﺖ ﻋﺎﻟﻪ
ﻫﻰ ﺑﺲ ﺍﻣﻰ
ﻃﺐ ﺣﺒﻴﺒﻪ ﺍﻭﺻﺪﻳﻘﻪ ﺭﻓﻴﻘﻪ
ﻛﻞ ﺩﻩ ﺍﻛﻴﺪ ﺍﺳﺘﺤﺎﻟﻪ
ﺑﺲ ﻫﻰ ﺍﻣﻰ
ﻭﻟﻤﺎ ﻛﻨﺖ ﺑﻮﻗﻊ ﻳﺎ ﺍﻣﻰ
ﻣﺶ ﻛﻨﺘﻰ ﺑﺘﻄﺒﻄﺒﻰ ﻭﺗﺴﻤﻰ
ﻣﺤﺪﺵ ﺑﻴﺤﻂ ﻋﻠﻰ ﺣﻤﻠﻪ ﺣﻤﻮﻝ
ﻭﺍﻧﺘﻰ ﻛﻨﺘﻰ ﺷﻴﻼﻧﻰ ﻓﻰ ﺑﻄﻨﻚ
ﻭﺍﻧﺎ ﺑﺘﺤﺮﻙ ﻣﺎﻟﻴﻬﺎ ﻋﺮﺽ ﻭﻃﻮﻝ
ﻭﻟﻤﺎ ﺑﺸﺮﻭﻛﻰ ﻭﻗﺎﻟﻮ ﻭﻟﺪ
ﻗﻠﺘﻰ ﺿﻬﺮﻯ ﺍﺗﺸﺪ ﻭﺍﺗﺴﻨﺪ
ﺍﻟﻮﻟﺪ ﺟﻪ ﻋﻠﻴﻪ ﺍﻟﺰﻣﻦ
ﻭﻣﺎﻟﺖ ﻋﻠﻴﻪ ﺍﻻﻳﺎﻡ
ﻭﻻ ﺣﺘﻰ ﻧﻔﺴﻪ ﺳﻨﺪ
ﺑﺲ ﺷﻴﻼﻧﻰ ﻳﺎ ﺍﻣﻰ
ﻣﺴﺘﺤﻤﻼﻧﻰ ﻭﻳﺎ ﻫﻤﻰ
ﺩﺍﻳﻤﺎ ﺑﺘﻄﺒﻄﺒﻰ ﻭﺗﺴﻤﻰ
ﻣﺶ ﻟﺤﺎﺟﻪ
ﺑﺲ ﻻﻧﻚ ﺍﻧﺘﻰ ﺍﻣﻰ
ﺍﻟﺸﺎﻋﺮ ﻋﺰﺍﻟﺪﻳﻦ ﺟﺒﺮﻳﻞ
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة