أنا المصري .... بقلم. إسماعيل هريدي
أنا المصري
ماش عكس التيار
مقطوع نفسي وبرمح
وألف وألف كلب سلطان
ورايا تعوي وتعض وتجرح
أنا المصري
بنا وموان وشيال هم
علي كتفي وباسرح
بنيت لغيري
الف دار ودار
و آ دي الزمان إ ندار
ومش لاقي تربه تتاويني
ولا سايب لعيالي مطرح
أنا المصري
صاحب الأرض والدار
ضيف في بيتي
عايش بالإيجار
وبيتي ملك للزوار
انا المصري
بقيت مطرود بقيت عار
أنا اللي باعوه الف تاجر
ومليون سمسار
أنا المصري.....
إسماعيل هريدي
صاحب الأرض والدار
تحياااااااااتي....
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة