القلم **** بقلم السيد ابوطاحون
***********
الشعر شد القلم
من جيب مشاعري وطار ..
شباك حبيبتي انفتح
ما لقيت ف ايدي كلام ..
شجرة فواكة عجيبة
اتعلقت بيه ..
وورد من ألف نوع
يرقص حواليه ..
وقف القلم ع الشجر
بيلاعب العصافير
ناديت عليه ..
قالي سيبني !!
أنا لسه عايز اطيير
فتّحت عين الحقيقة
لقيتني لسه بغير
طلعلي ريش الأمل
والصبر والتفكير
قامت طيور السما
طارت بعيد عني
سكنا وادي السكات
خاب فى الكلام ظني ..
وأنا بدون القلم
راح يفضل ايه مني ..
حتي غراب البِين ..
قلّع بعيد عني
وشوش جموع الطير
خاب الرجا فيا ..
*************
#القلم
#السيدابوطاحون
#الإخنوم
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة