(بحبك)حربي علي شاعرالسويس

بحبك حب مالهش حدود

حبك في قلبي عايش موجود
مهما نغرب تاخدنا عهود
نلف / نشرق لهوانا بنعود
 دا البعد مابينا طريق مسدود

وهبت لحبك سنين عمري
وإيه فايدة عمري من بعدك
عشقت عيونك وطال صبري
عشان الورد اللي على خدك
شفت الليالي كتير تجري
شالت وردة دبلت على وردك
كانت وردة عمري قبلك
دبلها الشوق قبل ماأحب
والورد الصافي حضن قلبك
لما إبتدي يبقالي قلب
حسيت إن قبلك كنت حسود
ودلوقتي ياحلو أنا المحسود
بحبك حب مالهش  حدود

عاشق والله أنا وميال
مشتاق هنى حبك ياأسمر
كفاية عليا سنين طوال
محروم من كلمة مشتاق أعبر
أوصفلك إيه وإيه يتقال
أوفيك حقك أبدا ماأقدر
إنت حكايتك نغمي وموالي
حبك ليا سر وجودي
صورتي قدامك تحكيلك حالي
تقول أشواقي جناين ورودي
يقولك العنب من ع العنقود
يغني موالك الكمان والعود
بحبك حب مالهش  حدود

كفاية عليا أشوفك أنا
تبني الهوي وتشكل فيه
أما أنا ملياش غنى
غير إن أشوفك عايش بيه
أملي الوحيد وكل المنى
طيفك في منامي بس ألاقيه
وأشوفك فوق عرش الحب
تنور ليلي بشموع الأشواق
تعلم القلب حب القلب
يطرح خير / كل العشاق
تتهنى بأحلى وأغلى وعود
وهبها قلبي لعنيك السود
بحبك حب مالهش  حدود

كتبتها
وأنا عندي 18 سنة
أنااا