تياترو
قرب قرب خش إتفرج
ياللا بسرعه متستناش
متستغربش متستعجبش
متستنتجش متسألناش
تياترو هيحكى حكاية ناس
باعوا الآخره وراحوا بلاش
ناس بياكلو الربا بالسحت
كأن الطعم ياناس جلاش
وناس بتساوى كتير فى الدنيا
وهى أساسا مبتسواش
وناس شربانه فى دم الناس
كاس ورا كاس مبتستكفاش
وناس بتحب حرام الدنيا
عليه بتدور بالمنكاش
ياللى فاكر نفسك حواش
ياللى شيطانك جواك عاش
ياشاري الدنيا وبايع الآخره
نصيبك فى الجنه متلقاش
تلاقى النار فاتحالك بابها
تقولك عنك مستغناش
إذا كنت نسيت الذنب يافالح
ربك أبدا مابينساش
بقلم طارق السيد
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة