كان يا ما كان ...كان فى زمان
قلبى العايش..... فى القضبان
خايف..كان
تايه... كان
بيحلم يهرب من الاحزان
وكان يا ما كان
جاله..النور .....عدى السور
رفرف بجناحه ...العصفور
حقق حلمه.........وهزم المه
قام داوى جناحه المكسور
وكان ياما كان
ياللي بتحلم ...احلم اكتر
بكره الحلم فى قلبك يكبر
قوم متخفش.....متترددش
الكون احلامك ...مايسعش
انت حتقدر ...بس اتشطر
يالا اصبر ...ومتستعجلش
حب الحلم.....حيصبح علم
اوعى لحلمك... متخلصش
حب حياتك ...حقق ذاتك
عيش...... حتحقق امنياتك
ثق فى الله...واحلى حياه
حتعشها.......... تحت سماه
قول يارب...من جوه القلب
وعمرك ابدا....... ما حتغلب
امر الكون ......لرب الكون
وعلى ربك.... ابد ما تهون
الشاعره شيرين الرشيدى
دار نشر القلم للطباعة والنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة