ﻭ ﺍﻛﻮﻥ ﻓﻴﻜﻰ ﺑﺮﻏﻢ ﺍﻟﺨﻮﻑ
ﻭﻟﺪ ﻋﺎﺷﻖ ﺣﺮﻭﻑ ﺍﺳﻤﻚ
ﻭ ﻣﺶ ﻗﺎﺩﺭ ﻑ ﻳﻮﻡ ﻳﻨﺴﻰ
ﻓﻴﻴﺠﻰ ﻑ ﺣﻠﻤﻪ ﻭ ﻳﻘﺎﺳﻤﻚ
ﻳﺸﻮﻓﻚ ﺿﺤﻜﺔ ﻣﺨﻨﻮﻗﺔ
ﻭ ﺑﺘﻌﺎﻧﻰ ﻣﺮﺍﺭ ﺍﻟﻘﻴﺪ
ﻭ ﻣﺮﺍﺕ ﻭﺭﺩﺓ ﻣﺤﺮﻭﻗﺔ
ﻭ ﻧﺎﺭﻫﺎ ﻛﻞ ﻳﻮﻡ ﺑﺘﺰﻳﺪ
ﻳﻤﺪ ﺍﻳﺪﻳﻪ ﻳﻄﻔﻴﻜﻰ
ﻓﻴﺨﻠﺺ ﺣﻠﻤﻪ ﻋﻠﻰ ﻏﻔﻠﺔ
ﻓﻴﺼﺤﻰ ﻳﺪﻕ ﻋﻠﻰ ﺑﺎﺑﻚ
ﻋﺸﺎﻥ ﻛﻞ ﺍﻟﺒﻴﺒﺎﻥ ﻗﺎﻓﻠﺔ
ﻭ ﻳﺤﻠﻒ ﺍﻧﻪ ﻣﺎ ﻳﺤﺒﻚ
ﻟﻜﻦ ﺑﻴﺤﻦ ﻭ ﻛﺄﻧﻚ
ﻑ ﻗﻠﺒﻪ ﺩﻡ ﻣﻦ ﻗﻠﺒﻚ
ﻑ ﻭﺣﻴﺎﺓ ﻋﺸﻘﻪ ﻟﻌﻨﻴﻜﻰ
ﺗﺒﺼﻰ ﻟﻪ ﺑﺸﻮﻕ ﻣﺮﺓ
ﻭ ﺗﺮﻭﻯ ﺯﺭﻋﺘﻪ ﻓﻴﻜﻰ
ﺑﻤﻴﺔ ﺣﻠﻮﺓ ﻣﺶ ﻣﺮﺓ
ﻳﺠﻮﺯ ﻳﻘﺪﺭ ﻳﺠﻴﺐ ﺿﺤﻜﺔ
ﻭ ﻳﺮﺳﻤﻬﺎ ﻋﻠﻰ ﺧﺪﻭﺩﻙ
ﻭ ﻳﻔﺘﺢ ﻟﻚ ﻃﺎﻗﺎﺕ ﺑﻜﺮﻩ
ﻳﺨﻀﺮ ﻟﻚ ﺟﻔﺎﻑ ﻋﻮﺩﻙ
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة