💰💰💲💲. إدخال مرافق 💲💲💰💰 = #دعبسيات_ابراهيم_دعبس_الساحر = ماجد شكرى الساحر

إدخال مرافق ف بلادي شغل إستغلال

عارفين انك محتاجها و مضطر ياخال
غير المقايسة الجبارة و حق العداد
 تلاقي كلاب ف طريقك يمين و شمال

خش مجلس مدينتنا وشوف التنانين
لو هتشخلل يا اخينا تنشال في العين
والقرش ساحر بيمشي قطر وعطلان
لو هتعصلج تتطنش  أيام و سنين

روح الصرف و المية هتموت عطشان
ولا المجلس صدقني هتخرج عريان
شبكة كهارب بتكهرب وتجيب الضغط
 بكل خطوة هتلاقي تنانين و حيتان

و ده ال مأخر ف بلادي وماليها فساد
كل اللي قاعد علي مكتب عايز يصطاد
فا قبل ما تبني وتعمر نضف يا وزير
ادبح كلابنا السعرانة و حاكم الاوغاد