ياعينى. فاروق الباشا
ياعينى ان الاوان
تبطلى ندب ونزف
بدلى اللحن الحزين
نغم سعيد العزف
قدامك ياعينى شهيد
على الجنة عاوز يتزف
متحنى بدم الكرامة
وبعلم بلدنا قلبه ملتف
ياام الشهيد يابنته
ياخالته دقو الكف
سمعونا زغرودة حلوة
تخلى دموعنا تجف
ياعينى ان الاوان
تبطلى ندب ونزف
بصى حواليك وشاورى
على اللى دبر النسف
فى بيوت بنوها للعبادة
والقرب من رب اللطف
كان رايح متوضى وطاهر
وقلبه مليان حب وعطف
مراته على يمينه وبنته
على الشمال والام فى الخلف
قتلوا البراءة والامومة
والبر والكل ناله الحتف
يارب اجبر قلوبنا برحمتك
واكفينا شرور العنف
واهلك شرازم عاثت فى
الارض الفساد يارب اللطف الغيث الوفير فاروق الباشا مصر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة