((انا كلى ليها)) ***********مجدى زيادة.ابو زياده

اللى عاش عمره يواسى
قلوب مجروحين
واللى عاش عمره بيحلم
يشوف عنيهم فرحانين
واللى عاش يحلم ببكرة
والي شايل فى القلب ذكرى
عمره ما ييجى يوم ويكره
قلب حبه من سنين
**********
لسه فاكر كل كلمة
كتبتها فى جمال عنيك
لسه فاكر كل فرحة
فرحتها وانا بين ايديك
لسه فاكر كل همسة
وكل نظرة فاكرها لسه
وعمرى ابدا فى يوم ما هنسى
لمسة ايديك الدفيانين
*************
جاى النهارده تقوللى خايف
لتغيرك طول السنين
وبدل الدفا توزع جفا
على القلوب المحرومين
ولا تنسى نظرة عنيها
ولا ياسى قلبك عليها
لا يا قلبى انا كلى ليها
مهما طالت بينا السنين