كل الحجج فى الفقر مغروز غرز
كل الامل الارض تطرح رز
لو كان بصل الناس تردد طز
طب واعمل ايه مال اليتيم ما يعز
والعز ناسه شاطرة فى وسط تهز
ترقص على سلم بلاطه رخام
تفطر على سوشى اما عشاها حمام
تفطر على سوشى اما عشاها حمام
وناس بتتألم وتتقلب ما عارفة تنام
واللقمة منها بعيد حلم من الاحلام
والبطة سوادها غطيس ممنوعة م الاحلام
كل الحجج واهية والاسم بس كلام
الفقر عوزه صحيح يكفيكم شر العوز
بس الفقير محروم عايش كمان اراجوز
يا مصر حبة حنان يمكن *باين*ويجوز
الفقر يصبح غنى واللى سبق بيفوز
ليه فقرنا بيزيد عجز مع الايام
يارب مش بالغنى بدعيك بحسن ختام
مصطفى قمر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة