مصر عاملينك وسيه
كل خولى فيكى ينهب
كام نفر فوق اليوميه
بالزيادة تمللى يكتب
والشعير مخزن وسايب
كل يوم ينهب زكايب
كام قيراط ومين يحاسب
بيع ويعلا فى المراتب
والاجير فى وسيه فاعل
كل يوم فى الصحة نازل
والرغيف ليه عنه غايب
مصر عمرك ليه وسيه
لما علمت الاسية
للفقير فى الهم غالب
وابن عزك ليه حرامى
ينهب الخير فى المراكب
يا بهية بقيتى فرجة
وكل ندل اخد له نايب
والحمار داير فى سرجة
شفنا فى الدنيا العجايب
حسرة يا امه بقيتى عارجة
غصب مش بالخطر حابب
من تصنيف العلم خارجة
لما كترت المصايب
مصطفى قمر
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة