إلحقنا ياريس
ياولاد ستين جنية
عايزين 100 كوديا وزار
بطلوا شغل المرازية
ولعبة قط وفار
قفلتوا علينا المية
وسيبتوا يادوب سرسوب
إفتحوا محبسكو شوية
ل نحدفكم بالطوب
جرى إيه ياولاد الإيه
قولوا عايزين مننا إيه
كفاية سميتوا بدنا
هنقول لسعادة البيه
ياسعادة البيه إلحقنا
إلحقنا الفقر خنقنا
وولاد الإيه مرضونا
شوف دوا يارئيسنا لداءنا
بنحبك أوي أوي لاكن
اليأس ف نفسنا ساكن
نصرخ ولا حد سامعنا
وكل البرتيتة سواكن
عارفين إن إنت ياريس
قلبك طيب وكويس
إذا كنت بتبني ف بيتنا
خلي البرتيتة تليس
أحسن ماالبيت ينهار
والليل مايطوله نهار
أصل الفزورة ياريس
قط ومفتاح وكرار
بقلم طارق السيد
قادح زناد الحروف للنشر والتوزيع
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة