Tarek Elsayed = السيرك

دنيا عجيبة كأنها سيرك
فيها اللي بيمشي على السلك
وفيها كمان البهلونات
والحركات والشقلباظات
فيها بلياتشو وفيها ترابيز
فيها تصاوير جوه البراويز
فيها العجن وفيها اللت
فيها ماكيت وفيها مارونيت
فيها اللي مايتسموا وحوشها
وفيها الحلو اللي ما بيحوشها
فيها كمان بالليل خفافيشها
وفيها الطبل اللي يطفشها
فيها فراخها النافشة في ريشها
وفيها ديوكها اللي بتهبشها
فيها كتاكيتها الهزة كتافها
والحداية اللي بتخطفها
آدي السيرك وآدي الدنيا
آدي اللي عايشها ثانية بثانية
إعرف بقى ياللي إنت عايشها
إن الدنيا دي دانية وفانية
 بقلم طارق السيد