دكر القط قليل الاصل
واكل شارب ناكر الفضل
فرد منيفر وُلّد سوابق
وغية شر .
يرعى و يكبر قبل ما يُنفر
يزعل عينه تطق شرار
ولبيته يهجر رزقة يبعتر
يفضل عمره الناوى سفر
عامل عمّله مصاحب شلة
ناوى على سرقة نفسه مجامله
دكر القطِ دا ناكر الفضل
براري نشال
...
فجأه يطل بدون انذار
طالع نازل شاغل الدار
سايح سارح قول منشار
ينعم يلعب يطفح يشرب
بين للصغار
ويرجع يُمّكر يعمل أهبل
يجى يستهبل
عينه دبوس على نوب للعيال
بِربش خِربش اخطف و انتش
وامسح واكنس قبل متفرش
دكر القط دا ناكر الفضل
لئيم فشار.
ضُم يا قط ح اقولك سر
عارف معنى "شريد العمر" ؟!
لفّه بعيده فسكة مرار
حُكمها كاوى وزي النار
تتعب تعطش تِخفى و تغطس
ولا ليك سعر ..
فارجع نونو واقصر شر
أو همّ يا قط اعكُشّلك فار 😇😇
#بهاء_اللبودى
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة