ليه مبقتش زي زمان
متعرف ايه اللي جرالها
دايخه و كل يوم بحال
تايهه ولاهي في بالها
يارب لطفك يا رحمن
دا جمال الدنيا وحالها
بقلوب عامره بالايمان
الرضا هيبقى عنوانها
والخير ياه بحره مليان
ياعالم بالناس وحالها
يا ستار العيوب كمان
هون خفف علينا اقدارنا
دا رحمتك لنا هي الامان
ناس مشغوله بطمعها
منعرف ليها اي ميزان
تغدر بناسها وباولادها
ناسيه الرزق على المنان
والاعمار معلومه سعتها
عمره ما يفيد الدوران
السكه أخرها و نهايتها
هي بس في يد الرحمن
الدنيا طيبها و سعادتها
في الحمد لله والشكران
مش في المال واحوالها
وسيره بالحقد والبهتان
الناس تايهه منها عقولها
ناكره الفضل والاحسان
ناس الدنيا إتغير حالها
ليه مبقتش زي زمان
خرااااابيش
الشاعر مجدي فرحات
شكرا لمروركم لا تنسوا متابعة المدونة ومشاركة نصوصكم على صفحاتكم ومواقع التواصل كافة