كتب لنا الشاعر المبدع دائما استاذنا/الشاعر والاديب محمد مجاهد

عشرة عمر                                                                          قالوا حبيب قتل حبيبه                                               قلت أكيد ما حصلشي                                                  إللي يحب يا ناس                                                          عمره في يوم ما ظلمشي                                                  لو غلبه حتى شيطانه                                                     قلبه يقول ما طاوعشي                                               يعرف حبيبه بنظرة                                                        لو حتى دا ما نطقشي                                                        دا اللي يحب يا ناس                                                        بيودع  الأحزان                                                              والقسوة ترحل منه                                                             ما تلاقي عنده مكان                                                       يقعد ساعات بحبيبه                                                            ما بيرضى هو يقوم                                                           وإن وقته مر بسرعة                                                    يرمي عليه اللوم                                                         يتمنى حتى الثانية                                                      تبقى ساعات أو يوم                                                    والعمر يبقى طويل                                                      واللحظة فيه بتدوم                                                      إزاي هيمد إيديه                                                              على اللي  عشانه ضحى                                                  ساب الحياة دي وراه                                                     عن أهله حتى اتنحى                                                      من فقره نفسه يجيب                                                       لو ركنة حتى في أوضة                                                 يلبس هدومه قديمة                                                                                                            ويلبسه عل الموضة                                                            عاوز يجيب السما                                                     ويحطها في إيديه                                                       إزاي هيقتل قلب                                                        طول عمره حن عليه                                                 كلمات الشاعر والأديب محمد مفيد فؤاد محمد مجاهد